كيف تتغلب على النكد الزوجي؟

“لو لقيت مراتك بتعيط من غير سبب أو مكشرة ..ما تنفوخش وتقولها يادي النكد .. هُو انت مش لاقية حاجة تعمليها إلا انك تنكدي 😠..

اعمل حاجة واحده .. خذها في حضنك ..وطبطب عليها .. هتلاقي دموعها نشفت فجأة.وبعد كدة إسألها  ايه  مزعلك حبيبتي؟..هي بتبقى مضغوطة من مسئوليات وحاجات تاني كتير .. حضن منك كفيل انه ينسيها ألمها .. ويشحن طاقتها …

اصغ لها جيدًا حاول تفهم ما وراء الكلمات من مشاعر وأحاسيس

المرأة كائن حساس للغاية .. كل مرة بتجلدها بكلامك بيزيد جرح جواها ويتخزن ..

لكن لما تفتكرها في عز انشغالك وتكلمها مكالمة حلوة  وتقولها بحبك فخور بك، ممتن ليك  .. هتخلي يومها جميل، وهاتستقبلك بأجمل ابتسامة ..وتعملك الأكلة اللي بتحبها وما يكنش في نكد في البيت 😉

انتبه  عزيزي الرجل المرأة مفاتيحها في ودانها .. وأجمل إحساس تحسه معاك إنك تشعرها بالحب والأمان  فهذا هو احتياجها الاول ❤️

كن فطنا معها لا فظا في الكلام،   كن ذكيا في التعامل.   كن حساس  ولماح

بكده  تكسب بيتك وتحمي علاقتكم من النكد وبيتكم من الخراب.

 اختي الزوجة تجاوبي مع زوجك عندما يحاول أن يتغير ويكون أفضل، بلاش عناد وكبرياء، بلاش الكلام السلبي المحطم . قدري ظروفه فهو كمان مضغوط، ويحتاج من يشعر به ويقدره.

 حبايبي ما تحاربوش بعض، حاربوا مع بعض ضد كل الظروف المحيطة بكم خاصة في هذه الأيام.

 ثقوا ان السعادة مش فلوس وخروجات وفيلات وعربيات وموبيلات  و و الخ

 السعادة في الحب والامن والأمان والإحترام والتقدير والكلمة واللمسة الحلوة.

 السعادة في متناول أيديكم ولا تحتاج إلا قليل من الوعي

 انتبهوا ! الحياة قليلة وقصيرة ولا تبقى إلا الذكرى، فاترك ذكرى طيبة وتأثير مبارك يمتد لأجيال.     

 منقول مع بعض الاضافات من صفحة د مجدي اسحق .